1Жалған
таразы Тәңірге жиренішті,
Адал
таразы Оған ұнамдысы.
2Менмендікке
масқара серік,
Кішіпейілге даналық серік.
3Әділ
жанды адалдығы жетелер,
Арамзаның
түбіне сұмдығы жетер.
4ҚаҺарлы
күнде*
байлықтан пайда болмас,
Ал
әділдік өлімнен аман сақтар.
5Таза
жанның әділдігі жолын түзер,
Арамзаны
зұлымдығы сүріндірер.
6Әділді
адалдығы құтқарар,
Алдамшы
ашкөздігінен ұсталар.*
7Арамза
өлгенде үміті үзілер,
Зұлымның
күткені босқа кетер.*
8Әділ
жан пәледен құтқарылар,
Арамза
оның орнына соған ұшырар.
9Арсыз
сөзімен жақынын жояр,
Әділ
парасатымен аман қалар.
10Әділдің
амандығына қала қуанар,
Зұлымның
құруына мәз-мейрам болар.
11Әділдің
ақ батасымен қала өркендер,
Зұлымның
жалған тілінен бытырап кетер.
12Ақылсыз
жақынын келекелер,
Ақылды
аузына ие боп жүрер.
13Өсек
тасыған сырыңды ашар,
Адал жан
ісіңді құпия сақтар.
14Жетекшіге
зәру ел тозар,
Кеңесшісі
мол ел озар.
15Бөтенге
кепіл болған пәлеге ұшырар,*
Кепілдіктен бас тартқан қауіпсіз болар.
16Сүйкімді
әйел абыройға бөленер,
Күш сала
істеген байлықты иемденер.*
Әділдің
тілегені жақсылықпен бітер
17Қайырымды
өз жанына рақым табар,
Қатыгез
өз тәніне зиян туғызар.
18Арамза
өткінші өнім жинайды.
Әділдік
сепкеннің сыйы тозбайды.
19Шын
әділдік өмір сыйлар,
Зұлымдыққа ұмтылған өлім табар.
20Зымиян
жаннан Жаратқан жиренер,
Мінсіз
жүргенге қатты сүйсінер.
21Сөз
жоқ, зұлым жазасын тартар,
Әділдің
ұрпағы аман құтылар.
22Әдемі,
бірақ әдепсіз әйел заты
Мұрны
алтын сырғалы шошқа сияқты.
23Әділдің
тілегені жақсылықпен бітер,
Зұлымның
күткені ашу-ызамен бітер.
24Қолы
ашық адам байи түсер,
Тым сараң
жан кедейлене түсер.
25Жомарт
жан игілікке кенелер,
Басқаны
сергіткен өзі де сергір.*
26Аштықта
астық жасырғанды жұрт қарғар,
Астығын
елге сатқанға батасын жаудырар.
27Жақсылыққа
ұмтылған рақым іздеп табар,
Зұлымдыққа ұмтылған зұлымдыққа тап болар.
28Байлығына
сенім артқан сүрінер,
Ал әділ
жан жапырақтай көгерер.
29Отбасының
берекесін кетірген дымсыз қалар,*
Зердесіз
зерделіге қызмет қылар.
30Әділ
жан жемісі өмір сыйлар ағашқа ұқсар,*
Зерделі
жан адамдарды даналыққа тартар.
31Әділ
жан бұ дүниеде тиістісін алмақ,
Арамза,
күнәкар одан бетер жазаланбақ.
